Transcription
1
Monsieur, je vous ay escript bien au long par votre laquay, lequel partit
2
d’ici le jour de Ste Luce, de matin. Si est ce que je vous veux bien faire entendre
3
la continuaton de notre santé, laquelle, Dieu grâces, est fort bonne et mesmes
4
de voz enfens qu’ilz se portent le mieux qu’on scauroyt désirer ;
5
vous les trouverés à votre arrivée ici, s’il plaict à Dieu, bien advencés en
6
toutes bonnes meurs, selon leur eage et mesmes Laurens qui ne
7
demeure plus de reste. Je l’ay fort bien faict acostumer et polli ;
8
il est vray que monsieur d’Apt nous a acostumer d’envoyer dez
9
pastés toutz les dimenches. Si ma santé et le temps le me
10
permet, je suis en propos d’aller faire ces bons jours avec
11
ledit monsieur d’Apt et mener toute la petite trouppe. Madame
12
de Gordes se conteintera, s’il luy plaict, de veoyr la présente et trovera
13
noz affectionnées recommandations à sa bonne grâce comme fais-je
14
à la vostre. S’il vous plaict, vous excuserés ce porteur s’il a
15
trop demeuré vous aller trover. La mort de son feu père, que
16
Dieu face merci et son maryage l’ont occupé, mais il
17
ha tousiours bonne envye de vous faire très humble service
18
et en cest endroict, je prye Dieu que vous doint sa grâce
19
acompaignée de longue et contente vye. De Gargas, le XIXe
20
Xembre 1572
21
Vostre mère
22
Pierre de Pontevès